நிதி நிலை குறித்து தேவைப்பட்டால் வெள்ளை அறிக்கை: ஜெயலலிதா

by **Admin** Wed May 25, 2011 11:04 am

[You must be registered and logged in to see this image.]

சென்னை தலைமைச் செயலகத்தில் செவ்வாய்க்கிழமை நடைபெற்ற மாநில அரசின் நிதி
நிலைமை குறித்த ஆலோசனைக் கூட்டத்தில் அமைச்சர்கள், அதிகாரிகளுடன்
கலந்துரையாடிய முத

சென்னை, மே 24: தமிழகத்தின் நிதி நிலைமை குறித்து தேவை ஏற்பட்டால் வெள்ளை
அறிக்கை வெளியிடப்படும் என்று முதல்வர் ஜெயலலிதா தெரிவித்தார்.
தமிழகத்தின் நிதி நிலைமை குறித்து அமைச்சர்கள், அதிகாரிகளுடன் செவ்வாய்க்கிழமை
நடைபெற்ற ஆலோசனைக்குப் பிறகு செய்தியாளர்களிடம் அவர் கூறியதாவது:
தமிழகத்தின் நிதி நிலைமை குறித்து ஆராய்ந்து வருகிறோம். தேவை ஏற்பட்டால் அது
குறித்து வெள்ளை அறிக்கை வெளியிடப்படும் என்றார்.
முன்னதாக தலைமைச் செயலகத்தில் நடைபெற்ற மாநிலத்தின் நிதி நிலைமை குறித்த
ஆய்வுக் கூட்டத்தில் நிதி அமைச்சர் ஓ.பன்னீர்செல்வம், அமைச்சர்கள் நத்தம் விஸ்வநாதன்,
அக்ரி கிருஷ்ணமூர்த்தி, சண்முகவேலு, பழனியப்பன், ஜி.செந்தமிழன், தலைமைச் செயலாளர்
தேவேந்திரநாத் சாரங்கி, நிதித் துறை முதன்மைச் செயலாளர் கே.சண்முகம் உள்ளிட்ட உயர்
அதிகாரிகள் பங்கேற்றனர்.
தமிழகத்தின் நிதி நிலைமை குறித்து நிதித் துறை முதன்மைச் செயலாளர் விரிவாக
எடுத்துக் கூறினார். தேர்தல் அறிக்கையில் கூறப்பட்ட மக்கள் நலத் திட்டங்களைச்
செயல்படுத்துவதற்கான நிதி ஆதாரங்கள் குறித்தும், அதற்கான நிதி ஆதாரங்களை அதிகரிப்பது
குறித்தும், மாநிலத்தின் ஒட்டுமொத்த வளர்ச்சிக்கான நிதி ஆதாரங்களை அதிகரிப்பது
குறித்தும் முதல்வர் ஜெயலலிதா ஆலோசனை நடத்தினார்.
அரசின் முதன்மை மற்றும் இரண்டாம் நிலை துறைகள், சேவைத் துறைகளில் உற்பத்தித்
திறனை அதிகரிக்கத் தேவையான நடவடிக்கைகள் எடுப்பது குறித்தும் கூட்டத்தில்
ஆலோசிக்கப்பட்டதாக செவ்வாய்க்கிழமை வெளியிடப்பட்ட அரசின் செய்திக் குறிப்பில்
கூறப்பட்டுள்ளது.
ஆளுநர் உரை தயாரிப்பு, நிதி நிலை அறிக்கை தயாரிப்பு ஆகியவை குறித்தும்
கூட்டத்தில் விவாதிக்கப்பட்டதாகத் தெரிகிறது.