நிராயுதபாணிகளை தாக்கும் பழக்கம் இல்லை: திமுக குறித்து வைகோ

by **Admin** Fri Jun 24, 2011 9:15 am

[You must be registered and logged in to see this image.]

கடலூரில் புதன்கிழமை நடந்த ம.தி.மு.க. கூட்டத்தில் பேசுகிறார், அக்கட்சியின் பொதுச் செயலர் வைகோ.

கடலூர், ஜூன் 23: தி.மு.க.வுக்கு ஏற்பட்டு உள்ள சோதனை, அவர்களே தேடிக் கொண்டது
என்றும் நிராயுதபாணிகளை தாக்கும் பழக்கம் எனக்கு இல்லை என்றும் ம.தி.மு.க. பொதுச்
செயலர் வைகோ பேசினார்.
÷பல்வேறு கட்சிகளில் இருந்து வெளியேறி 150 பேர், ம.தி.மு.க.வில் இணைந்த
நிகழ்ச்சி கடலூரில், ம.தி.மு.க. பொருளர் மாசிலாமணி தலைமையில் புதன்கிழமை நடந்தது.
நிகழ்ச்சியில் வைகோ பேசியது:
÷ம.தி.மு.க.வில் புதிய ரத்தம் பாய்ச்சப்படுவதால், இந்த இயக்கம் புதுப்பொலிவு
பெறுகிறது. ம.தி.மு.க. வரலாற்றில் இது முக்கிய கட்டம்.
÷தி.மு.க. சோதனைக்கு தங்களைத் தாங்களே ஆட்படுத்திக் கொண்டு இருக்கிறது. அது
அவர்களாகவே தேடிக் கொண்டது. நிராயுதபாணிகளை தாக்கும் பழக்கம் எனக்கு இல்லை.
÷1993-ல் என்னை தி.மு.க.வில் இருந்து நீக்கியபோது என்ன காரணங்களைச் சொன்னார்களோ, அது
இன்று விஸ்வரூபம் எடுத்து நிற்கிறது. ÷ம.தி.மு.க. என்ன நோக்கத்துக்காக
உருவாக்கப்பட்டதோ, அதை நோக்கிச் சென்று கொண்டு இருக்கிறது.
÷நாமாக அவசரப்பட்டு அ.தி.மு.க.வை விட்டு வெளியேறவில்லை. நாம் வெளியேறும்
நிலையைத் திட்டமிட்டே உருவாக்கினார்கள்.÷ஈழத் தமிழர்களுக்கு இழைத்த துரோகம் தன்னலம்,
சுயநலம், தன்குடும்பம் என்ற நிலைப் பாடுகளால் தி.மு.க.வைத் தோற்கடிக்க வேண்டும்
என்று, மக்கள் முடிவு எடுத்ததால் எழுதிய தீர்ப்பு தேர்தல் முடிவு.
÷இனி எதிர்காலத்தில் தமிழகத்தின் அரசியலை தீர்மானிக்கும் சக்தியாக ம.தி.மு.க.
இருக்கும். காலம் கனிந்து வரும்போது மக்கள் நம்மை எங்கே வைக்க விரும்புகிறார்களோ?
அங்கே வைப்பர்.÷17 ஆண்டுகளாக இந்த இயக்கத்துக்குப் பாடுபட்டுக் கொண்டு இருக்கிறேன்
என்று சொல்லும் தோழர்களுக்கு, இனிதான் வேலை இருக்கிறது.ம.தி.மு.க.வுக்கு பொற்காலம்
உருவாகி விட்டது என்றார்.÷ம.தி.மு.க. கடலூர் மாவட்டச் செயலர் என்.ராமலிங்கம், நகரச்
செயலர் ராமசாமி உள்ளிட்டோர் கலந்து கொண்டனர்.