ஸ்பெக்ட்ரம் வழக்கில் கைதாகி திகார் ஜெயிலில் இருக்கும் தொழில் அதிபரிடம் செல்போன்; அதிகாரிகள் சோதனையில் சிக்கியது

புதுடெல்லி, ஜூன். 13-

[You must be registered and logged in to see this image.]ஸ்பெக்ட்ரம்
வழக்கில் கைதாகி திகார் ஜெயிலில் இருக்கும் தொழில் அதிபரிடம் செல்போன்
சிக்கியது. 2ஜி ஸ்பெக்ட்ரம் வழக்கில் முன்னாள் மத்திய மந்திரி ஆ.ராசாவுடன்
ஸ்வான் டெலிகாம் நிறுவன அதிபர் ஷாகித் பல்வா, மற்றும் குசேகான் புரூட்ஸ்
வெஜிட பிள்ஸ் நிறுவன இயக்குனர் ராஜீவ் அகர்வால் ஆகியோர் கைதாகி டெல்லி
திகார் ஜெயிலில் அடைக்கப்பட்டுள்ளனர். இவர்கள் 3 பேரும் திகார் ஜெயில்
எண்.1-ல் ஒரே இடத்தில் அடைக்கப்பட்டு இருந்தனர்.

இந்த
நிலையில் குசேகான் இயக்குனர் அகர்வால் ஜெயிலில் செல்போன் பயன்படுத்தியது
கண்டு பிடிக்கப்பட்டு உள்ளது. கடந்த மாதம் 21-ந் தேதி ராஜீவ் அகர்வாலை
கோர்ட்டில் ஆஜர்படுத்தி விட்டு மீண்டும் ஜெயிலில் அடைக்க கொண்டு சென்றனர்.


ராஜீவ் அகர்வாலை சிறை அதிகாரிகள் சோதனையிட்டனர்.
அப்போது அவரிடம் பிளாக் பெர்ரி செல்போன் இருந்தது கண்டுபிடிக்கப்பட்டது.
ஜெயில் அதிகாரிகள் அவரிடம் விசாரணை நடத்தியதில் அது தொழில் அதிபர் ஷாகித்
பல்வாவுக்கு சொந்தமானது என தெரியவந்தது. அந்த செல்போன் பறிமுதல்
செய்யப்பட்டது.

இதைப் பயன்படுத்தி ராஜீவ்
அகர்வாலும், பல்வாவும் ஜெயிலில் இருந்தவாறு வெளியிடங்களுக்கு
பேசியிருக்கிறார்கள். இதையடுத்து ராஜீவ் அகர்வால் ஜெயில் எண். 1-ல்
இருந்து 4-ம் எண்ணுக்கு மாற்றப்பட்டார். மேலும் சிறையில் ராஜீவ் அகர்வாலை
உறவினர்கள் சந்தித்து பேசவும் தடை விதிக்கப்பட்டு உள்ளது.

செல்போன்
சிக்கிய விவகாரம் குறித்து ஜெயில் எண்.1-ல் சூப்பிரண்டு விசாரணை நடத்தி
அறிக்கை தாக்கல் செய்யுமாறு திகார் ஜெயில் டைரக்டர் ஜெனரல் நீரஜ்குமார்
உத்தரவிட்டார். அதன் பேரில் சூப்பிரண்டு விசாரணை நடத்தி அறிக்கை தாக்கல்
செய்தார். அதில் ராஜீவ் அகர்வால் ஜெயிலில் பயன்படுத்திய பிளாக்பெர்ரி
செல்போன் ஷாகித் பல்வாவுக்கு சொந்த மானது என தெரிவித்துள்ளதாக
குறிப்பிட்டுள்ளார்.

ஸ்பெக்ட்ரம் வழக்கில்
கைதானவர்களை ஒவ்வொரு முறையும் கோர்ட்டில் ஆஜர் படுத்திய பிறகு ஜெயிலில்
அடைக்கும் முன் அவர்களை சோதனையிடுவது வழக்கம். அப்போது ஒரு செல்போன்
மட்டுமே சிக்கியது. மேலும் பொருட்கள் எதுவும் சிக்க வில்லை என்று
தெரிவித்துள்ளார். கலைஞர் டி.வி.க்கு ரூ.200 கோடி பணம் கைமாறியது தொடர்பாக
கடந்த ஏப்ரல் மாதம் 29-ந் தேதி ராஜீவ் அகர்வால் கைது செய்யப்பட்டார்
என்பது குறிப்பிடத்தக்கது.